Өнгөрсөн хугацаанд 6 гишүүн өөрийн хүсэлтээр гишүүний ажлаа өгч байжээ.

Тодруулбал Д.Бямбасүрэн, У.Хүрэлсүх, Д.Гантулга, Д.Сумъяабазар, Ж.Мөнхбат, Х.Нямбаатар гэсэн зургаан хүн өөрийн хүсэлтээр УИХ-ын гишүүнээс чөлөөлөгдөж байсан. Харин ерөнхий прокурорын саналаар 16 хүнийг түдгэлзүүлэх санал оруулж ирснийг УИХ хэлэлцээд 10 хүнийг түдгэлзүүлэх шаардлагагүй гэж үзсэн бол Д.Энхбаатар, Д.Баттулга, С.Батчулуун, Н.Номтойбаяр, Т.Аюурсайхан, Д.Бат-Эрдэнэ нарыг түдгэлзүүлсэн байсан түүхтэй. 

1. Д.Энхбаатар: 1998 онд “Казино”-гийн гэх авлига, албан тушаалын гэмт хэрэгт холбогдон шалгагдаж, шүүхээс ял шийтгэгдсэн. Иймээс УИХ-ын гишүүний бүрэн эрхийг түдгэлзүүлсэн.
2. Д.Баттулга: 1998 онд “Казино”-гийн хэргээр хууль хяналтын байгууллагад шалгагдаж, шүүхийн шийдвэр гарсны дараа бүрэн эрхийг нь түдгэлзүүлсэн.
3. С.Батчулуун: Мөн “Казино”-гийн гэх авлигын хэрэгт холбогдож, 1998 онд ял авсан тул УИХ-ын гишүүнээс түдгэлзүүлсэн.
4. Н.Номтойбаяр: Албан тушаалын хэрэгт буруутгагдаж, 2020 онд шүүхээс ял авсан тул УИХ-ын гишүүний бүрэн эрхийг нь түдгэлзүүлсэн.
5. Т.Аюурсайхан: Үндэслэлгүй хөрөнгөжсөн хэргээр шүүхээс 2024 онд ял авсан тул УИХ-ын гишүүний бүрэн эрхийг нь түдгэлзүүлсэн.
6. Д.Бат-Эрдэнэ: Нүүрсний хулгай хэрэгт холбогдсон тул 2023 онд УИХ-ын гишүүний бүрэн эрхийг нь түдгэлзүүлсэн.

                                                      34 гишүүн ирцээрээ эгүүлэн татагдах “болзол” хангажээ
Ерөнхийлөгчийн санаачилсан “УИХ-ын гишүүнийг эгүүлэн татах тухай” хуулийн төсөлд УИХ-ын ээлжит чуулганы хуралдааны 70-аас доошгүй хувьд хүрэлцэн ирсэн, ээлжит чуулганы санал хураалтын 70-аас доошгүй хувьд биечлэн оролцсон байх шаардлагатайг тусгажээ. Өнгөрсөн намрын чуулганы ирцээс харахад 34 гишүүн Ерөнхийлөгчийн санаачилсан хуулийг босгыг давж чадалгүй бүдэрч байна. Чөлөөтэй, тасалсан тохиолдлыг хасаад чуулганд өөрийн биеэр ирж оролцсон тоогоор тооцоход дараах гишүүд сүүл мушгиж байна.

Дэлгэрэнгүй ирцийн мэдээллийг харах UIH.mn