Засгийн газраас УИХ-ын тогтоолыг хэрэгжүүлэх үүднээс Оюутолгойн хөрөнгө оруулагчидтай хийж буй хэлэлцээрийн хүрээнд “Оюутолгой” ХХК, “Рио Тинто” группын удирдлагуудад шаардлага хүргүүлэхээр болжээ.

Шаардлагад Оюутолгойн гэрээний нөхцөлийг Монгол Улсын эрх ашигт нийцүүлэх, 34 хувийн ногдол ашиг авах хугацааг тодорхой болгох, эрх тэгш зарчмаар үр ашиг хүртэх нөхцөлийг бүрдүүлэх, санхүүгийн тайлан, зардлыг ил тод, нээлттэй болгох, шийдвэр гаргах түвшинд Монголын талын оролцоог хангах зэргийг дурджээ.