Япон Улсын Шизүока мужид сурагч солилцооны 5 хоногийн хөтөлбөрт хамрагдах сурагчдын сонгон шалгаруулалтыг зарлажээ. Ингэхдээ 16-18 настай, Монгол Улсын иргэн буюу ЕБС-ийн 10-12-р ангийн сурагч байх мөн өмнө нь Япон Улсад зорчиж байгаагүй байх гэх шаардлагыг тавьж байгаа аж. 

Шалгаруулалтад орохдоо гадаад паспортын хуулбар болон эсээ бичих юм. 

Эсээнд тавигдах шаардлага:

• 400 үгэнд багтаах;
• Сонгосон сэдвийн хүрээнд бичих;
• Өөрийн байр суурь, санаагаа товч, тодорхой, ойлгомжтой илэрхийлэх;
• Баримт, нотолгоо, жишээ ашиглах;
• Ашигласан ном, зохиол, эх сурвалжаа дурдах.

Эсээний сэдэв:

• Дэлхийн иргэн гэж миний бодлоор
• Зайны сургалтад хамрагдсан миний туршлага
• Уур амьсгалын өөрчлөлт манай сургуульд
• Хэрвээ шидтэн байсан бол сургуулиасаа халмаар санагддаг соёлууд
• Ирээдүйн тухай миний бодол

Дээр дурдсан баримт бичгүүдийг холбоо барих утасны дугаарын хамт 2024 оны 8-р сарын 30-ны дотор vice@all4education.mn мэйл хаяг руу илгээх юм.