Монгол Улсын зөвлөх инженер, техникийн ухааны доктор Г.Ёндонгомбо Эрчим хүчний сайд Б.Найдалаагийн зөвлөх болжээ. Тэрээр “Ирэх өвлийг эрсдэлгүй давахад өчүүхэн миний эрдэм мэдлэг, туршлага бага ч атугай нэмэр болвоос энэ яваа насны нэг хэрэг бүтэх буй за” хэмээн хэлжээ.  Тэрээр Архангай аймгийн Чулуут сумын "Баруун жаргалант" гэдэг газар 1959 онд төрсөн.

Боловсрол: 1977 онд Цэцэрлэг хотын 10 жилийн дунд сургууль, хожим ЗХУ-ын Уралын Политехникийн дээд сургуулийг төгссөн. Түүний хувьд Монголын эрчим хүчний салбарын өнөөгийн нөхцөл байдал, дулааны цахилгаан станцууд (ТЭЦ), сэргээгдэх эрчим хүч (СЭХ), эрчим хүчний үнэ тариф болон салбарын шинэчлэл (реформ)-ийн талаар олон нийтийн хэвлэл мэдээллээр байр сууриа тогтмол илэрхийлдэг билээ.