АНУ-ын жүжигчин Сидней Суини спортын бооцооны платформ Novig-той хамтарсан кампанит ажлынхаа сурталчилгааг инстрагмм хуудаснаа байршуулсан. Уг сурталчилгаанд Сидней Суини бараг нүцгэн байдлаар сагсан бөмбөг, хөлбөмбөг, хоккей зэрэг спортын төрлүүдээр хичээллэж буй дүр зургийг үзүүлжээ. Харин үүнийг дэлхийн томоохон эмэгтэй тамирчид шүүмжилж, бэлгийн өнгө аястайгаар дүрсэлсэн нь эмэгтэй тамирчдын хөдөлмөрийг үл хүндэтгэж байна гэж үзжээ. 

• Энэ талаар усанд сэлэлтийн тамирчин, олимпын дөрвөн удаагийн аварга Ариарне Титмус спортод амьдралаа зориулсан эмэгтэйчүүдийг уландаа гишгэж, спортыг багийн ажиллагаа, тууштай байдал, нөхөрлөл, эв нэгдлийн нийлбэр гэж харуулах бус эмэгтэйчүүдийг бэлгийн нүдээр харуулж байна хэмээн шүүмжилжээ. 

• Америкийн гимнастикч Грейси Крамер “эмэгтэйчүүдийн спортын жинхэнэ төрх” гэх агуулгаар томоохон тэмцээн уралдаанд оролцсон мөч зэрэг карьерын оргил үеийн бичлэгээ хуваалцжээ. Уг бичлэг одоогоор нэг сая хандалт авчээ. Мөн үүнээс санаа аван Австралийн усанд сэлэлтийн тамирчин Лани Паллисте бэлтгэлийн үе болон уралдаанд оролцож буй үеийнхээ бичлэгүүдийг нэгтгэн нийтэлжээ. 
• Усны поло тэмцээний мөнгөн медальт Тилли Кирнс Сидней Суинигийн сурталчилгааг үзэн ядаж байна хэмээн нийтэлжээ. 
• Дэлхийн аварга, боксчин Скай Николсон мөн дээрх тамирчидтай нэгдэн эсэргүүцэж буйгаа илэрхийлсэн бичлэгээ нийтэлжээ. 

Энэ мэтчилэн алдартай тамирчид дургүйцлээ илэрхийлж байгаад Сидней Суини чимээгүй суусангүй. Тэрээр ямар нэг албан ёсны тайлбар хийгээгүй ч хэдхэн цагийн өмнө өөрийн инстаграмм сторидоо өнгөрсөн удаад ч ийм маягийн сурталчилгаа хийдэг байсныг харуулсан зургууд нийтэлжээ. Үүгээрээ өөрт нь ирж буй дайралтад хариу өгч буй биз ээ. 

Шүүмжлэгдээд буй жүжигчин Сидней Суини 29 настай бөгөөд "Эйфория"(Euphoria) болон "Цагаан бадамлянхуа"(White Lotus) киноны дүрээрээ алдаршсан. Тэрээр өнгөрсөн удаад ч энэ төрлийн шүүмжлэлд өртсөн удаатай. 2025 оны долоодугаар сард Амеркан Ийгл(American Eagle) компанитай хамтарсан “Сидней Свинигийн гайхалтай жийнс” гэх сурталчилгаагаараа мөн шүүмжлэлд өртсөн. 

Энэ талаар дэлгэрэнгүй унших 

Энэхүү дуулиан нь зөвхөн сошиал медиаг хамраад зогсохгүй Америкийн улс төрийг ч оролцуулаад авсан юм. Энэ талаар тухайн үед Ерөнхийлөгч Дональд Трамп ам нээж, түүнийг өөрийнх нь намын дэмжигч гэж сонссон тухайгаа онцолж, “гайхалтай сурталчилгаа” хэмээн магтсан байдаг.