Төсөв 2027: Боловсролын сайдын багц ₮7.5 их наядаар тэргүүлж байна
Монгол Улсын 2027 оны улсын төсвийн төсөлд төсвийн ерөнхийлөн захирагчдын зарцуулах нийт багцыг ₮32.38 их наяд байхаар тусгажээ. Үүнээс Боловсролын сайд ₮7.54 их наяд, Гэр бүл, хөдөлмөр, нийгмийн хамгааллын сайд ₮6.1 их наяд, Сангийн сайд ₮5.3 их наядын төсөв захиран зарцуулахаар төлөвлөсөн байна.
Хамгийн өндөр төсөвтэй гурван ерөнхийлөн захирагчид нийт ₮18.94 их наяд буюу нийт багцын 58.5 хувь ногдож байна.
- Боловсролын сайдын ₮7.54 их наядын төсвийн ₮6.21 их наядыг урсгал зардалд, ₮1.33 их наядыг хөрөнгийн зардалд зарцуулахаар төлөвлөжээ.
- Гэр бүл, хөдөлмөр, нийгмийн хамгааллын сайдын ₮6.1 их наядын багцын ₮6.03 их наяд буюу 98.8 хувь нь урсгал зардал байна.
- Харин Сангийн сайдын ₮5.3 их наядын төсөвт ₮1.57 их наядын зээлийн хүүгийн төлбөр, ₮1.77 их наядын гадаад зээл, тусламжаар санхүүжих зардал багтжээ. Ингээд харвал төсвийн зардлыг урсгал зардал нийт зардлын дийлэнх хувийг эзэлж байна. Энэ нь урт хугацаандаа бууруулах боломжгүй байдгаараа онцлогтой. Харин орлого тогтмол биш үед ийм хэмжээгээр урсгал зардлаа тэлэх нь дунд урт хугацаанд төсвийн дарамтыг нэмэгдүүлж болзошгүй юм.
Хуулийн төсөлд хоёр албан тушаалтныг хоёуланг нь “Монгол Улсын Шадар сайд” гэж нэрлэсэн боловч нэгэнд нь ₮488.6 тэрбум, нөгөөд нь ₮8.4 тэрбумын багц хуваарилжээ.
Дээрх 36 ерөнхийлөн захирагчийн багц нийлээд ₮32.38 их наяд болж байгаа бол хуулийн төсөлд улсын төсвийн нийт зарлагыг ₮31.93 их наяд гэж тусгасан. Зөрүү нь өмнө олгосон зээлийн ₮623.5 тэрбумын үндсэн төлбөрийг төсөвт буцаан төвлөрүүлж, ₮168.7 тэрбумын эргэн төлөгдөх санхүүжилт шинээр олгохоор тооцсонтой холбоотой.
Өнгөрсөн онтой харьцуулж үзвэл хэн сайд хамгийн их төсвөө нэмүүлсэн тухайд
| Эрэмбэ | Төсвийн ерөнхийлөн захирагч | 2026 он | 2027 оны төсөл | Өссөн дүн | Өсөлт |
|---|---|---|---|---|---|
| 1 | Боловсролын сайд | ₮4.327 их наяд | ₮7.539 их наяд | +₮3.212 их наяд | +74.2% |
| 2 | Гэр бүл, хөдөлмөр, нийгмийн хамгааллын сайд | ₮4.599 их наяд | ₮6.101 их наяд | +₮1.502 их наяд | +32.7% |
| 3 | Эрчим хүчний сайд | ₮455.8 тэрбум | ₮1.281 их наяд | +₮824.8 тэрбум | +181.0% |
| 4 | Эрүүл мэндийн сайд | ₮1.795 их наяд | ₮2.618 их наяд | +₮823.2 тэрбум | +45.9% |
| 5 | Сангийн сайд | ₮4.568 их наяд | ₮5.302 их наяд | +₮734.1 тэрбум | +16.1% |
| 6 | Зам, тээврийн сайд | ₮980.2 тэрбум | ₮1.458 их наяд | +₮477.8 тэрбум | +48.7% |
| 7 | Хууль зүй, дотоод хэргийн сайд | ₮1.580 их наяд | ₮1.986 их наяд | +₮406.0 тэрбум | +25.7% |
| 8 | Соёл, спорт, аялал жуулчлал, залуучуудын сайд | ₮500.6 тэрбум | ₮821.9 тэрбум | +₮321.3 тэрбум | +64.2% |
| 9 | Батлан хамгаалахын сайд | ₮790.3 тэрбум | ₮1.083 их наяд | +₮292.4 тэрбум | +37.0% |
| 10 | Хот байгуулалт, барилга, орон сууцжуулалтын сайд | ₮254.3 тэрбум | ₮410.6 тэрбум | +₮156.2 тэрбум | +61.4% |
| 11 | Шадар сайд | ₮367.1 тэрбум | ₮488.6 тэрбум | +₮121.6 тэрбум | +33.1% |
| 12 | Ерөнхий сайд | ₮370.8 тэрбум | ₮424.2 тэрбум | +₮53.4 тэрбум | +14.4% |
Салбарын төсвөө хамгийн их тануулсан сайд
| Эрэмбэ | Төсвийн ерөнхийлөн захирагч | 2026 он | 2027 оны төсөл | Буурсан дүн | Бууралт |
|---|---|---|---|---|---|
| 1 | Байгаль орчин, уур амьсгалын өөрчлөлтийн сайд | ₮442.1 тэрбум | ₮288.6 тэрбум | −₮153.5 тэрбум | −34.7% |
| 2 | Тэргүүн Шадар сайд бөгөөд Эдийн засаг, хөгжлийн сайд | ₮243.9 тэрбум | ₮203.5 тэрбум | −₮40.4 тэрбум | −16.6% |
| 3 | Цахим хөгжил, инновац, харилцаа холбооны сайд | ₮93.1 тэрбум | ₮82.7 тэрбум | −₮10.4 тэрбум | −11.1% |
| 4 | Гадаад харилцааны сайд | ₮240.4 тэрбум | ₮237.0 тэрбум | −₮3.4 тэрбум | −1.4% |
Мөнгөн дүнгээр Боловсролын сайдын төсөв хамгийн их буюу ₮3.21 их наядаар нэмэгдэнэ. Хувиар тооцож харвал Эрчим хүчний сайдын төсөв хамгийн их буюу 181 хувиар өсөлттэй байна. Харин Байгаль орчны сайдын төсөв хамгийн их буюу ₮153.5 тэрбумаар танагджээ. Энэ нь 2026 онд COP 17 хийхтэй холбоотой зардлыг ирэх онд бууруулан тооцсон байж болох юм. Бүх ерөнхийлөн захирагчийг оруулбал Сонгуулийн ерөнхий хорооны төсөв ₮27.4 тэрбумаас ₮107.1 тэрбум болж 291.2 хувиар өссөн нь хувийн өсөлтөөр хамгийн өндөр байна.
Сэтгэгдэл үлдээх