Өнөө цагийн попын хатан хаан гэгддэг Тэйлор Свифт болон NFL-ийн од Трэвис Келси нарын хурим хэдийн яригдаад эхэлсэн билээ. Хосууд өнгөрсөн намар болох наймдугаар сард сүйн зургаа задалж олныг баясгасан. 

Тэгвэл сүүлийн хэдэн өдөр тэдний хуримын тов, байршлын талаарх цуурхал хүчтэй явж байна. 

Учир нь Нью-Йорк хотын даргын хэвлэлийн төлөөлөгч Дора Пекеч BBC-д Мэдисон Скүэр Гарден орчмын замыг долоодугаар сарын 2-4-ний хооронд хаах зөвшөөрлийг зургаадугаар сарын эхээр гаргасан гэжээ. 

Тус мэдэгдэл гарсны дараа одуудын хурим Америкийн Тусгаар тогтнолын баярын амралтын өдрүүдэд MSG-нд болох гэж байна хэмээн шуугиж эхэлсэн юм.  Үүнийг батлах бас нэг зүйл бол Трэвис Келсийн багийн хэдэн гишүүн гардены ойролцоо хэд хэдэн буудал захиалжээ. Харин зарим шүтэн бишрэгчид тэднийг жинхэнэ хуримын газраасаа олны анхаарлыг сарниулахын тулд цэнгэлдэх хүрээлэнг ашиглаж байна гэж таамаглаж байна. 

“People” сэтгүүлд хэдэн сарын өмнө гарсан нэгэн мэдээнд хосуудын дотоод эх сурвалж “Тэд хуримаа нууцын өндөр хэмжээнд хийхээр төлөвлөж байгаа” гэж хэлж байжээ.