Хөлбөмбөгийн "ДАШТ-2026" хэсгийн хоёрдугаар тойргийн тоглолтууд эхлэж, мөн хасагдах шатанд буюу шилдэг 32-т шалгарсан анхны баг тодорлоо. Өчигдөр буюу 22-ны өдрийн базааг хүргэж байна. 

• Мексикийг шигшээ БНСУ-ыг 1:0 -ээр хожсоноор хэсгээсээ ямар ч тохиолдолд нэгээр гарахаар боллоо. Ингэснээр Мексикчүүд 1/32 болон 1/16 -ийн хасагдах шатны тоглолтоо Мехико хотноо, цуут "Ацтека" цэнгэлдэхдээ хийх том давуу тал олж авлаа.
• Германы шигшээ хэсгийн эхний тоглолтод Курасаогийн шигшээг 7:1-ээр хожсоноор ДАШТ-ий бүр цаг үеийн хамгийн олон гоол оруулсан (239) баг боллоо. Өмнөх рекордыг 238 гоолтой Бразил эзэмшиж байсан бөгөөд өнөөдөр Хайтигийн хаалганд хоёроос дээш гоол хийвэл дахин рекордоо эзэмших боломжтой юм.
• IShowSpeed хэмээх нэрээрээ алдаршсан стримир, юүтубер, рэппер Даррен Уоткинс өөрийн "Youtube" сувгаараа хөлбөмбөгийн ДАШТ-ий тоглолтыг үзүүлэхээр ФИФА, FOX TV, Youtube -тэй хамтран ажиллахаар болсноо мэдэгдлээ.
• АНУ-аас бусад орны үзэгчид үнэ төлбөргүй үзэх боломжтой харин АНУ-ын нутаг дэвсгэрт буй үзэгчид 20$ төлбөр төлөх шаардлагатай гэнэ.
• ФИФА-аас дэлхийн аварга шалгаруулах тэмцээний нэгдүгээр тойргийн шилдэг тоглогчоор Лионель Мессиг нэрлэлээ. Аргентиний шигшээ багийн ахлагч Месси Алжирын эсрэг тоглолтод " хет трик" буюу гурван гоол оруулж, ДАШТ-ий мэргэн буучийн жагсаалтыг Канадын Жонатан Дэвидийн хамт тэргүүлж байна.