Жил бүрийн 9 дүгээр сард болдог Солонгосын соёлын өдрүүд буюу “Korea week” арга хэмжээ энэ сарын 6-7-ны өдрүүдэд Сүхбаатарын талбайд болно. 

Энэ жилийн арга хэмжээг тохиолдуулан БНСУ-ын Соёл Спорт Аялал Жуулчлалын яамны харьяа БНСУ-ын Аялал Жуулчлалын Төрийн өмчит корпорацын KTO Улаанбаатар төлөөлөгчийн газар “K-WAVE CONCERT”-ийг хийхээр болжээ. 

Тус тоглолтод Солонгосын олон ангит киноны дууны хатан, “K-Drama OST Queen” PUNCH Монголд анх удаа ирэх гэж байна. Түүний дуунууд нийт 1 тэрбум гаруй үзэлттэй бөгөөд K-POP сонирхогч залуустаа зориулан амьд тоглолт хийх аж.

Дуучин Punch-ийн алдартай бүтээлүүдээс дурдвал,

• Stay With Me (Goblin киноны дуу) – 541 сая үзэлт
• Say Yes (Moon Lovers: Scarlet Heart Ryeo киноны дуу) – 330 сая үзэлт
• Everytime (Descendants of the Sun киноны дуу) – 333 сая үзэлт

Тоглолт 2025 оны 9 сарын 7-нд 19:00 цагаас Сүхбаатарын талбайд үнэ төлбөргүй болох гэнэ.  

Ташрамд, тоглолтын суудлын тоо 1000 байх бөгөөд зохион байгуулагчдын үгээс Google form-оор үзэгчдийг бүртгэж, бүртгүүлсэн хүмүүсээс 10 хүнийг шалгаруулан, BTS хамтлагийн цомгийг бэлэглэх аж. 

Тоглолтын ерөнхий зохион байгуулагч: БНСУ-ын Соёл Спорт Аялал жуулчлалын яам, БНСУ-аас Монгол улсад суугаа ЭСЯ

Дэмжигч: БНСУ-ын Аялал Жуулчлалын Төрийн Өмчит Корпорацын КТО Улаанбаатар төлөөлөгчийн газар

Нэмэлт мэдээлэл: Evandis Entertainment