Монгол Улсын газар нутагт ашигт малтмал эрхлэх зөвшөөрөл авсан ч нутгийн иргэдийн эсэргүүцэлтэй тулж одоог болтол үйл ажиллагаагаа эхлүүлж чаддаггүй хэд хэдэн тохиолдол бий. Хамгийн тод жишээ нь Ховд аймгийн Мянгад сум дахь “Халзанбүрэгтэйн” орд юм. Тэгвэл энэ мэт тохиолдлууд дээр зохицуулалт хийхээр Ашигт малтмалын тухай хуульд нэмэлт өөрчлөлт оруулах гэж байгаа талаар Аж үйлдвэр, эрдэс баялгийн сайд Г.Дамдинням тайлбар хийлээ.

Аж үйлдвэр, эрдэс баялгийн сайд Г.Дамдинням: Ашигт малтмалын тухай хуулийн нэмэлт өөрчлөлтийг энэ намрын чуулганаар өргөн барина. Ингэхдээ лиценз эзэмшигчдэд лиценз олгосон бол монголын төр хамгаалдаг байх зохицуулалтуудыг тусгаж өгөх зорилготой ажиллаж байна.