Монгол Улсын Их Хурлын хаврын ээлжит чуулганы нэгдсэн хуралдаан үргэлжилж байна.

УИХ-ын дарга Д.Амарбаясгалан 75 гишүүн бүртгэгдэж, 59.5 хувийн ирц бүрдсэнийг танилцуулснаар өнөөдрийн хуралдааныг нээлээ. 

Хуралдааны эхэнд  Гаалийн албан татвараас чөлөөлөх тухай хууль хүчингүй болсонд тооцох тухай хуулийн төслийг чуулганаар хэлэлцэхийг олонхын саналаар дэмжиж, холбогдох байнгын хороодод шилжүүлэв.

Үргэлжлүүлэн Хэвлэл мэдээллийн эрх чөлөөний тухай хуулийн шинэчилсэн найруулгын төслийг хэлэлцэхийг 67.2 хувийн саналаар дэмжив.

Мөн дараах асуудлыг хэлэлцэнэ.

• Амьтны тухай хуульд нэмэлт оруулах тухай хуулийн төсөл /Улсын Их Хурлын гишүүн О.Амгаланбаатар 2025.03.17-ны өдөр өргөн мэдүүлсэн, анхны хэлэлцүүлэг, асуулт, хариулт 90 минут/
• Жагсаал, цуглаан хийх эрх чөлөөний тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /Засгийн газар 2025.01.24-ний өдөр өргөн мэдүүлсэн, хэлэлцэх эсэх, асуулт, хариулт 150 минут/
• Монгол Улсын Ерөнхий сайдын мэдээлэл: Үндэсний баялгийн сангийн тухай хуулийн хүрээнд иргэн бүрд Хуримтлалын нэрийн данс нээж, эрүүл мэнд, боловсрол, орон сууцны зорилгоор зарцуулах ажлын зохион байгуулалт, хэрэгжилтийн талаар
• Агаарын бохирдол, утааны асуудлаар ерөнхий хяналтын сонсголын бэлтгэлийг хангах, зохион байгуулах үүрэг бүхий ажлын хэсгийн тайлангийн талаарх Байгаль орчин, хүнс, хөдөө аж ахуйн байнгын хорооны санал, дүгнэлт
• “Засгийн газарт чиглэл өгөх тухай” Улсын Их Хурлын тогтоолын төсөл