Дорноговь аймгийн цөлжилттэй хэсэгт мод тарьж ургуулдаг “Шамбала-2056” төслийн баг ээлжит нэгэн лэнд арт бүтээх ажлаа эхлүүлжээ. Тэдний энэ удаагийн лэнд арт нь “THE MONGOLZ #1” бөгөөд говь нутгийн 40 мянган ам.метр талбайд 100 мянган хайлаас мод тарих аж. 

Тодруулбал, The MongolZ, “Шамбала-2056” төслийн баг хамтран монгол орны цөлжилттэй бүс нутагт уур амьсгалын өөрчлөлт тэмцэн, цөлжилтийг сааруулах зорилгоор  “THE MONGOLZ #1” гэх орон зайн урлагийг бүтээх юм. Ийнхүү The MongolZ байгууллагын CS2-ын баг хамгийн анхны мод эзэмшигчид болсноор уг байгальд ээлтэй төслийн эхлэлийг тавиад байна. 

Хүн бүр уг төсөлд хамтрах боломжтой бөгөөд https://www.portal.mn/ сайтаар орж, The MongolZ багаас өөрийн дэмждэг гишүүний хэсэгт мод тарих захиалга өгөх боломжтой аж. 

Өөрөөр хэлбэл, Багийн дасгалжуулагч Maaraa “THE MONGOLZ #1” лэнд артын М үсгийн эхний мод эзэмшигч бол, багийн тоглогч Techno4K G үсгийн эхний мод эзэмшигч юм. Тиймээс та өөрийн дэмждэг гишүүний үсгэн дээр мод захиалж, цөлжилтийг сааруулах их үйлсэд хувь нэмрээ оруулах боломжтой. 

Мод худалдан авснаар:

• Танд зориулсан мод эзэмшигчийн гэрчилгээ
• Талархлын захидал
• Жил бүрийн ургалтын тайлан, зураг
• 5 жилийн турш арчилгаа, усалгаа
• Хяналт хамгаалалт, нөхөн тарилт зэрэг үйлчилгээг авах аж.

Цөлжилттэй бүс нутгийг нөхөн сэргээх, хуурай газрын экосистемийг тэнцвэржүүлэх энэхүү бодит төсөлд, та өөрийн хувь нэмрээ оруулаарай.