Монгол Улсын Их Хурлын ээлжит чуулганы нэгдсэн хуралдаан үргэлжилж байна.

УИХ-ын дарга Д.Амарбаясгалан ирц танилцуулснаар өнөөдрийн (2025.04.10) хуралдааныг нээлээ. 126 гишүүний 66 нь хуралдааны ирцэд бүртгэгдэж, 60 нь тасалсан эсвэл хоцорчээ.

Хуралдааны эхэнд Ерөнхийлөгч У.Хүрэлсүхийн саналаар Б.Жаргалсайныг Ерөнхий прокуророор үлдээх эсэх асуудлыг танилцуулж байна. Мөн дараах асуудлыг хэлэлцэнэ.

• Зээлийн мэдээллийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн тогтоолын төсөл /Улсын Их Хурлын гишүүн Э.Батшугар 2024.12.25-ны өдөр өргөн мэдүүлсэн, хэлэлцэх эсэх, үргэлжилнэ/ 
• “Транс-Азийн төмөр замын сүлжээний тухай Засгийн газар хоорондын хэлэлцээр”-ийн нэмэлт, өөрчлөлтийг соёрхон батлах тухай хуулийн төсөл /Засгийн газар 2025.03.26-ны өдөр өргөн мэдүүлсэн, зөвшилцөх, хэлэлцүүлэх/
• Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.03.26-ны өдөр өргөн мэдүүлсэн, анхны хэлэлцүүлэг/