Бизнесийн байгууллагуудаас Татварын багц хуулийн өөрчлөлтөд тусгуулахаар 178 санал ирүүлснийг МҮХАҮТ нэгтгэж, 9 саналыг багцалжээ. Үүнд:

1. НӨАТ-ын 10 хувийг 5 хувь болгон бууруулах
2. Татвар ногдуулахдаа  мөнгөн суурийг тооцон ногдуулах
3. ААНОАТ-ын шаталсан хувь хэмжээг цуцлах, эсвэл босгыг нь өндөрсгөх
4. Үндсэн хөрөнгөд тооцож төлсөн татварыг татвараас хасаж тооцох
5. Татварын хялбаршуулсан горимд хамрагдах нийт борлуулалтын орлогын хэмжээ болох 50 сая төгрөгийг 400 сая төгрөг болгон нэмэгдүүлэх,
6. Ажил гүйцэтгэх гэрээ, хөлсөөр ажиллах гэрээ болон тэдгээртэй адилтгах гэрээгээр тохирсон цалин хөлс, олговроос НДШ суутгаж байгааг өөрчлөх
7. Үл хөдлөх хөрөнгийн гэрчилгээ бүхий хөрөнгөд татвар ногдуулах
8. НДШ-ийн хэмжээг багасгах
9. Ногдол ашиг хуваарилан шилжүүлж буй шатлал бүр дээр ногдол ашгийн орлогын албан татварыг давхардуулж оногдуулж байгааг өөрчлөх гэх мэт саналуудыг ЗГ-т хүргүүлж байгаа аж.

Монгол Улсын нийт орлого 27 их наяд төгрөгт хүрсэн. ААН, байгууллагууд улсын хэмжээнд 11 албан татвар, 3 хураамж гэхчлэн нийт 41 төрлийн татвар хураамж төлдөг байна

Энэхүү татварын 34 хувийг ААНОАТ, 24 хувийг НӨАТ гэх мэтээр татварын баазыг бүрдүүлдэг. Гэтэл эдгээр татварыг тогтмол төлж чадалгүй олон жижиг бизнес дампуурч байна. Иймээс энэ удаагийн татварын багц хуулийн шинэчлэлийг илүү цогц хүрээнд авч үзэхийг Засгийн газарт хандан бизнесийн байгууллагууд уриалсан юм.

Мөн илүү олон ажлын байр бий болгож, өндөр татвар төлж байгаа нь илүү төлдөг байдлыг халах, тэгш шударга зарчмыг мөрдөх. Татварын шинэчлэлээ илүү цогц шинэчлээсэй хэмээн хүсэж байгаагаа илэрхийллээ.