УИХ-ын чуулганы нэгдсэн хуралдаанаар Монгол Улсын Засгийн газар болон Бүгд Найрамдах Энэтхэг Улсын Экспорт-Импорт банк хоорондын Зээлийн хэлэлцээрийг соёрхон баталлаа.

Зээлийн хэлэлцээрийн хүрээнд манай улс Энэтхэг улсаас 450 сая ам.долларыг зээлэх юм. Энэхүү зээлээр Газрын тос боловсруулах үйлдвэрийн EPC4 бүтээн байгуулалтын үргэлжлүүлнэ.

Мөн өнөөдөр УИХ-ын чуулганы нэгдсэн хуралдаанаар дараах асуудлуудыг хэлэлцээд, намрын чуулганы хаалтыг хийнэ.

• “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төсөл /Засгийн газар 2025.01.08-ны өдөр өргөн мэдүүлсэн, хэлэлцэх эсэх/
• Санхүүгийн зохицуулах хорооны орон тооны бус гишүүнийг томилох тухай асуудал
• “Зарим байгууллагын цалингийн хэмжээг шинэчлэн тогтоох тухай” Улсын Их Хурлын тогтоолын төсөл
• Хархорум хотын бүтээн байгуулалт, хөгжлийг дэмжих тухай хуулийн төсөл болон хамт өргөн мэдүүлсэн хууль, тогтоолын төслүүд /Засгийн газар 2024.12.20-ны өдөр өргөн мэдүүлсэн, эцсийн хэлэлцүүлэг/
• Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Засгийн газар 2025.01.08-ны өдөр өргөн мэдүүлсэн, хэлэлцэх эсэх/ талаар хэлэлцэнэ.